حوار مع النفس

من هى ؟ سؤال يطرأ على ذهن كل انسان عندما يقابل فتاه لأول مره ويظل عقله مشغولا بهذه الفكره لوقت طويل الى ان يصل الى ما يريده او يمل من البحث عندما يضل الطريق وكنت انا كمثل اى فرد فى الدنيا عندما صادفتها والتقت عينانا ببعض لن انكر انها ليست اول مره اشاهدها شاهدتها كثيرا ولكن لم اكن اعرفها ولكن فى هذا اليوم اتيحت لى الفرصه كى اعرفها على حقيقتها ....................

من هى ؟
هى مجرد فتاه تعيش حياتها متمنيه وجوده بجانبها تنام ليلها كى يأتى النهار على امل لقائه وتستعطف النهار كى يمر على امل ان تحلم به ليلا .
هى مجرد فتاه تعشق ترابا يسير عليه احد الاشخاص .
هى مجرد فتاه لا ترى فى الدنيا غير انسان واحد .
هى مجرد فتاه تحب حياتها لوجوده بها .

تعجبت كثيرا مما عرفت عنها أيوجد انسان يكن كل هذه المشاعر داخله لشخص اخر فأبتسمت قائله لنفسى ان الحب لازال موجودا بعد فقدانى الامل بوجوده وأصررت وقتها ان اعرف هذه الشخص كى اكمل املى بالحياه والحب .

من هو ؟
هو مجرد شاب مغرور وانانى لا يرى الا نفسه يريد ان يجمع كل خيوط الحياه فى .
هو مجرد شاب ملك بعض من خيوط السلطه ويطمح فى المزيد منها .
هو مجرد شاب ملك مشاعر الحب الاول وجماله مع فتاته الاول وبعد انتهاء العلاقه ملك ذكرياته معها واحتفظ بها بداخله .
هو مجرد شاب ملك مشاعر الفرحه بالارتباط مع من يريد فى اطار علنى يعرفه الاصدقاء وعندما انتهى ايضا ملك ذكريات هذا الارتباط .
هو مجرد شاب ملك مشاعر الحب بداخل الفتاه ونكرها عليها .

صدمت من الواقع الذى شاهدته وتبدل موقفى فى لحظات كيف لهذه الفتاه ان تحيا لشخص يحيى هو على حياتها . كيف لها ان تظل على حالها وهو على حاله . كيف لها ان تكون مجرد صوره فى البوم ذكريات شخص كهذا .

والان اتعلمون من هى ؟

هى مجرد فتاه قابلتها فى المراه فى يوما ما .

قال ايه متسجلى

دق جرس هاتفى برقم غريب من عادتى الا أرد على هذه الارقام ولكن فى بعض الاحيان قد يحتاج الانسان لفعل اشياء غريبه عليه كى يشعر بالتغيير فى تصرفاته فأخدت القرار بالرد وكانت هى جائنى صوتها غريب كانت تحاول رسم نبره التفاخر بما تقوله ولكن قلبى كان يشعر بعكس ذلك وقليلا ما كان قلبى يكذب علي وبذلك قررت ان اكمل معها هذه المحادثه الطريفه كانت تحاول ان تستشف بعض المعلومات وتحاول ايصال بعض المعلومات رغبه منها فى ان انقلها للشخص المناسب وقال ايه متسجلى وانتهت المكالمه عند هذا ولكن بقى تعليق واحد منى كم هذه الفتاه غبيه بالفعل مهما كان عمرها السيايى فهى مازالت الطفله صاحبه الواحد وعشرون ربيعا لم تجرب ولم تعرف ومع ان علاقاتها كانت متعدده على حد سماعى ولكنى لا اعلم ما هى الحقيقه فهى لم تحاول حتى نفى ما قيل ولكن هل هذا يرجع لعدم اهتمامها ام عدم امتلاكها دليل . وانتهى اليوم على حيره منى كيف لهذه الفتاه ان تشك فيما كنت اكنه لها وفى النهايه قررت ان انتظر الى ان اقابلها ولكن ما حدث اليوم كان مفأجاه قابلتها على النت ودارت بيننا محادثه رهيبه أالى هذه الدرجه جنونك صور لكى كل هذه التفاهات والاكاذيب قررت فى النهايه ان اترك كل شئ للزمن والا اتدخل فى اى عقاب سيوقع عليها او على اى انسان لانه فى النهايه انا من اتهم ولذا فطظ فى الدنيا وفيكى.

هما راحوا فين

انا مش عارفه الاختفاء المفاجئ اللى تم معاهم هما الاتنين ده تم ليه يكونوش اتقبض عليهم بس ايه ده هو البوليس بقى يقبض على الولاد والبنات مع بعض بينادوا بعدم التفرقه العنصريه ولا ايه بالظبط لا يا حكومه مينفعش كده وسط البلد طول عمرها مثال للأدب والاخلاق شاب وشابه يختفوا فى ظروف غامضه هما الاتنين وكل ده بعد سهره فى وسط البلد ( ؟ ) يمكن يكونوا تقلوا فى الشرب فنايمين لغايه دلوقتى بس هما الاتنين فى نفس الوقت سؤال يطرح نفسه على ساحه وسط البلد هل كل منهما مختفى دون علم الاخر ام هذا الاختفاء متفق عليه وذلك لأخفاء حقيقه معينه اقولكم انا هتعب نفسى ليه بكره يظهروا ويبان عليهم

دماغى فى البلاله

لسه راجعه من كارلتون حالا وحاسه ان دماغى عاليه جدا وعندى كلام كتيرا جدا عايزه اقوله انتوا عارفين فيه ناس بيقولوا ان الحب من طرف واحد هو اسمى معانى الحياه وناس تانيه بتقول انه هبل بس انا بقى شايفه انه اجمل حاجه لانك من الطبيعى هتبقى عارف ان نهايه قصه الحب دى هيا الفشل لكن بقى تعرف واحده وتقعدوا انتوا الاتنين سنتين تلاته ترازوا فى بعض شويه متصالحين وشويه مطلعين دين ام بعض يعنى كلها بتبقى حوارات فارغه وفى الاخر الحوار يفكس ويقعد كل واحد يشتم ويسب فى سلسفين اللى كان بيحبه لكن ياسلام على اللى من طرف واحد انت بتحب يعنى بتستمتع بأحساس الحب وانت عارف ومتأكد من جواك ان الحب ده ملوش اى نهايه يعنى بتحب للحب نفسه ودى حاجه عبقريه انك تحب شئ شعورى غير ملموس بتحس ساعتها انك ماسك الهوا بأيديك وسيبك من الناس اللى تقولك بقى دى هبل واى كلام .

المهم انا كنت فى كارلتون انا ومجموعه من الشباب والقاعده ابتديت بالكلام الكبير كالعادهوانتهت بالكلام اللى كله ........... بلاش اتكلم احسن المهم هيصناورقصنا ورخمنا على بعض بما فيه الكفايه بس الحمدلله دخلت سليمه وخرجت سليمه وسلام بقى عشان عايزه انام .

البورصه النهارده كانت خانقه مووووووووت كانت ميته ومكنش فيها حوارات جديده كله بيرغى فى القديم والواد ................ مسافر بكره خلاص ومش هنشوف وش اهله تانى بينى وبينك كنت بفكر من مده انى اسافر وابعد بس تفتكروا ان وسط البلد مش هتتكلم عليا لما اسافر اقولكم ما احلى حوارات وتهيسات وسط البلد .

يلا تصبحوا على خير

هنوصل لغايه فين

فتحى فريد

جانيت عبدالعليم

مقاله فى صوت الامه قلبت وسط البلد

كاتبها كريم البحيرى بيشتم فيها فتحى فريد وجانيت عبد العليم المقاله كانت فى عدد امبارح انا عن نفسى مكنتش قريتها بس لقيت لويس بيقولى قريتى صوت الامه قلتله انا مش بقراها اصلا ايه اللى هيخلينى اقراها قالى ازاى جه فيها مقاله مهمه قلتلها عنوانها ايه وكانت المفاجأه الاولى ( كشف الاعضاء الجنسيه لسماسره الاديان) العنوان غريب بجد قلتله مين اللى كاتبها قالى كريم البحيرى قلتلها طيب عادى يعنى قالى لا دى عن فتحى وجانيت وبما ان علاقتى بفتحى وجانيت على مايرام فكان لازم اقراها بجد انا مقدرش اقول غير ان المقاله دى دون المستوى وده رأى الكلام اللى كاتبه كريم بجد زياده وكل وسط البلد عارفه ومتأكده 100 % ان ده مش كلام كريم ده كلام الناس التانيه اللى بتتكلم عنهم ( ؟ ) ومفيش داعى لذكر اسماء انا مش واقفه هنا ادافع عن فتحى وجانيت ولا بدافع عن كريم والناس التانين انا بدافع عن الحريه الشخصيه وبعدين كل واحد يخليه فى بطحته واللى على راسه بطحه بيحسس عليها .

يهمك فى ايه ؟

عمرو دياب غنى وقال يهمك فى ايه اول ما سنعت الاغنيه مأعجبتش بيها بالقدر الكبير يعنى كانت بالنسبه ليا عاديه يمكن لانى كنت متعوده من عمور على الاغانى الجباره اللى بتهز المشاعر من جوه وتخلى الدموع تنزل من عينى غصب عنى لكن المره دى الشريط بتاعه كان عادى مكنش فيه الحاجه اللى تشدك انك تسمع يمكن ده رأى لوحدى بس مش هو ده الموضوع الموضوع هو عنوان الاغنيه يهمك فى ايه النهارده بس عرفت قد ايه العنوان ده قيم جدا وبجد ليه مكان واضح وسط حياتنا اللى بنعيشها كتير تلاقى حد بيدخل فى حياتك بالاسئله الممله اللى هو ملوش اى دخل بيها وقال ايه بيطمن عليك وانت مال اهلك يا بارد انا حره انا مسئوله عن نفسى اخبارى متهمش حد غيرى وبرضه ومع ذلك تلاقى انك فجأه ممكن تكون محور كل الناس يعنى مثلا من اسبوع فجأه لقيتنفسى محور ناس كتير والكلام والاشاعات ايه بقى الله اكبر اللى يقولك دى ارتبطت واللى يقولك دى فكت واللى يقولك عايشه قصه حب طب انتوا مال امكوا هيا حياتى الشخصيه تهمكوا فى ايه لا والخيره بقى كانت مفاجأه ليا قبل ما تكون لأصحابى قال ايه سارا اتنصرت لا بجد اه يا جماعه هيا اصلها بتحب واحد مسيحى وعايزين يتجوزا لا واسمع الكلام ده منين من اخويا يا نهار ابوك اسود انت عارف انت بتقولى ايه يقولى اه انتى حره انا حره سلملى على الحريه والليبراليه يا جماعه انتوا مالكم ابقى مسلمه ابقى مسيحيه ابقى ملحده محدش ليه دعوه بيا اوكى